أبـدأ منـيـن

من يوم ما كان لسه جـنـيـن

ولا ابـتـدى يوم ما اتـولد
لمّـا احـنا كـنـّـا فرحانـيـن

ولا السّـبوع اللى اتـعمل
عـلشان عـيـونه من سـنـيـن

ولا احكى عـنّـه وهو شاطر فى ابـتـدائى

وأمـنـيـاتـه ساعـتها إنّـه يـكون مسائى

علشان محدّش يـقـلـقـه فى مرّة نهائى

ويـقولّه اصحى الساعة ستّة
يلّه قوم

ولا احكى عن موقـف جميل
لمّـا ابـتـدى فى رمضان يـصوم

طب هحكى ليه
أصل الكلام دا مالوش لزوم


هـتـفـيـد بـإيـه أى حكايات

خلصت خلاص والغالى مات

ومعادش فاضل غـيـر شويّـة ذكريات

معـرفـش هـتـودّيـنـى فـيـن

أنا قلبى جوّاه صوت أنـيـن

إحـسـاسـى تاه
لمّـا زاد فـيّـا الحـنـيـن

إزاى انا هـقـدر أعـيـش

جرح الفراق مـابـيـتــنـسـيـش

كان ليّـا حـد يخاف عـليّا
وفجأة دلوقـتى مـفـيـش

يـمكن بـجـد أنا فى كابـوس

ولا حـقـيـقـة و ف مـصـيـبـة
صـعـبـة جـداً ع الـنـفـوس

أنا كل لحظة فى بعدى عـنّـه بـقـيـت بـعانى

صوته وهو بـيـنـاديـنـى
لـسّـه بـيـرنّ ف ودانى

صورته الجميـلة تمـلّـى موجودة ف خـيالى

ياه لمّـا نـمـشى ونـفـتـرق عـن حـد غالى

مـيـن بـس يـتـحـمّـلها مـيـن

دا مـش اعـتـراض
أنا قـلبى مـؤمـن بـالـقـدر

كـل الـحـكـايـة إنّـى فـى الآخـر بـشـر

بـضـعـف كـتـيـر لو قـلبى م الحـزن اتـكـسـر

لـكـنّـى بـصـبـر وادعـى رب العـالـمـيـن

ادعـوله ربـّـنـا يـعـفـو عـنّـه بـرحـمـتـه

ويـفـرّحـه
ويـكـون أنـيـسـه فى وحـدتـه

ويـوم الحـسـاب يـجـمـعـنـا تـانـى فى جـنـتّـه

شكرا على الموضوع الجميل ده